لا تنظر خلفك

http://hysteriat.blogspot.com/2008/12/blog-post_3624.html

لا تنظر خلفك ... لا تنظر الآن ....ارحل فى الطريق الذى اخترته ولا تخش شئ ..
انا ... ؟!

لا .. لن ابكى ..
لن اتشبث بملابسك وارجوك ألا ترحل ،
لن ترى منى سوى ابتسامتى ،
ولن تسمع غير امنياتى لك بالسعادة ...
فقط لا تنظر خلفك الآن
لاتقلق لن اترك ورودك الصغيرة لتذبل بعد رحيلك،
ستظل فى مكانها فوق شرفتها لينقل الهواء عطرها
ويذكرنى بيوم كنت فيه هنا ..
وصورتنا التى التقطناها ... اتذكرها ..؟!ّ
نعم ...
ستبقى الى جوارى دائما لتذكرنى بيوم كنا فيه معا ..
فقط لا تنظر خلفك الآن ..
سأجيب عن كل اسئلتك كما تحب ،
سأنسى تلك الوعود ،
واحذف تلك الكلمات من شريط الذكريات ،
ستسألنى وأجيب أن نعم ،
من البداية كنا اصدقاء لكنه الوهم الذى عبث بعقلى
وادخلنى الى عوالم بنيتها بلا اساس ،
لا بل سأقول لك من الأصل اننى لم افكر فيك من الأصل
.. حسنا ..
هل هذا يريح تلك الوخزات التى تدعى انها من ضميرك،
وتضع كلمات الختام لفصل اخير
من مسرحية اردت ان تنهيها ببراعة ...
ماذا ..؟!
نعم بالطبع .. سنظل اصدقاء ،
ستجدنى دائما حين تحتاج إليّ ،
سأكون دوما الى جوارك ،
يالك من (( ... ))) حتى ونت تهجرنى لا تريد ان تخسر شيئا
.. حسنا ..
افعل ما تشاء ، خذ ما تشاء
.. فقط
.. ارجوك ..
لا تنظر خلفك الآن ..
لا أريد ان يكون آخر ما آراه منك هو عيناك ،
لا أريد نظرة الإهتمام المصطنع وكأنك مرغم على ان تتركنى
أو انها تصاريف القدر التي تحرمك منى ..
اريد ان اراك فقط وانت تمسك بيديها وهى تستند الى كتفك ،
دعنى اراك وانت تدير ظهرك وكأنك تتخلص من شئ لم يعد له همية عندك
.. لذا
.. ارجوك ..
لاتنظر خلفك الآن ..

لعلى اكرهك

كنت...عايزة أتجوز: حاجة غريبة

http://wanna-b-a-bride.blogspot.com/2008/12/blog-post_21.html

صحيت النهاردة الصبح من النوم على سلسلة من الحوادث الغريبة
أولا بابص لوشي في المراية مالقتش أثر لأي تجاعيد
فتشت في شعري كويس ..مافيش ولا شعرايا بيضا
سناني جامدة (ماشاء الله يعني) ال35 سنة كاملين مش ناقصين ولا واحدة (آه هم 35) و مايتهيأليش هحتاج أركب طقم النهاردة
إبتديت أستعد عشان أنزل الشغل ..و سبحان الله..لا جه في دماغي ألبس قميص كاروهات أحمر في أخضر تحت فستان موف في أصفر في زمردي له رفارف من ع الجنبين ..و لا جالي هاتف إني أفرق شعري من النص و لا هفة إني أنزل أشتري 6 كتاكيت من عند أم إيمان بتاعة الفراخ و أحطهم جوه برنيطة و أشيلهم فوق دماغي
نزلت الشارع و أنا متوجسة خيفة (معلش عندي دي المرة دي) ..كل أما يمر جنبي عيل صغير أتشنج و أستعد عشان أطلق ساقي للرياح (آخر مرة و الله)
الغريبة لا لقيت العيال بيحدفوني بالطوب و لا إتلموا حواليا و إستوحوا لحن من ألحان سلطان الطرب مصطفى كامل و ألفولي أغنية بتقول "الع...أهي أهي"
ركبت الميكروباص..ماحدش واخد باله
روحت الشغل ..برده ما فيش أي حد واخد باله من أي حاجة
لا زمايلي و لا العيانين ولا حتى المدير أصدر قرار بفصلي عشان ما أثرش على الصورة العامة للمستشفى
رجعت البيت و عكس كل توقعاتي ..ماحدش من الجيران رمى عليا جردل ماية مش نضيفة و لا لقيت أهلي محضرنلي شنطة هدومي و بيقولولي إحنا إستحملناكي كتير ..كفاية علينا كده بأه
تخيلوا..مافيش أي حاجة حصلت
ما فيش أي فرق بين النهاردة و إمبارح
أنا ما أتغيرتش و الناس كمان شايفاني ما أتغيرتش
لكن بكره والا بعده هيعرفوا و ساعتها هيعملوا إيه؟..مش عارفة ..بس أنا الأكيد أكيد ..مش هاعمل حاجة..عشان أنا لغاية دلوقتي مش حاسة إن حدث جلل حصل يعني ولا حاجة
باختصار
(بعد الرغي اللي فوق ده كله يعني)
أنا
النهاردة
بـــــــأه
عنــــــــدي
----30---
ســـــــــــــــنــــــة
أنعي إليكم بمزيج من الأسى و الحزن..عامي التاسع و العشرين اللي إنتهى إمبارح .. و نفتكره طبعا بكل خير..
(كان عزيز عليا قوي و الله..إهيء إهيء)
و أخطو اليوم أول خطواتي في عالم الثلاثينيات المرعب ..أو الممتع
(أنا و نصيبي بأه)
و لأن العام الفائت ..كان عمري 29 سنة و برضه ما سلمتش من اللقب اللي انتوا عارفينه على يد أغلبية الصحفيين و المعدين و مقدمين البرامج اللي عملوا مواضيع حوالين الكتاب
فأتوقع إن السنة الجاية هتكون سنة لطشيفة جدا جدا جدا
و لأن بلوغي سن التلاتين ده من أهم أحداث عام 2008 و قبل جواز نانسي عجرم و بعد جزمة بوش على طول
فعشان كده هتلاقوا صور التلاتين الكتيرة دي في البوست..إشمعنى يعني موبينيل دول حياللا كملوا 20 سنة؟
و أوعدكم إن اللي هيبعت 30 تعليق ..هافتحله تعليقين من غير موديريشان مجانا
يااااالا
و دلوقتي قبل ما أطفي الشمع و أفرقع البلالين
خلوني أقولكم أمنياتي للعام الجديد
1- يا رب تبعد عن طريقي كل الطنطات الحشريات اللي لما هيسألوني عن سني و أقولهم 30 أكيد هيضربوا أقفاصهم الصدرية بإيديهم و يشهقوا شهقة إستحضار جني الملوخية و هم بيقولولي ..يا لهوي..و لسه خالية لحد دلوقت على أساس إني كان المفروض أبقى دلوقتي زوجة إيجار جديد
2- يا رب تبعد عن طريقي كل البنات و الشباب اللي لما بيقابلوني في أي حتة يدققوا قوي في وشي و يقولولي غريبة ..و لا باين عليكي السن..على أساس إني لازم أبقى شبه صباح أو نادية الجندي أو فتحي سرورعشان يبقى عندي 30 سنة
3- يا رب تبعد عن طريقي أي صحفي أو معد أو مقدم برامج ما قراش ولا حرف من المدونة و لا الكتاب و نام و صحي و قالهم ماتجيبولنا البنت دي بتاعة "العنوسة"
(اللهم إكفني شر الإعلاميين ..أما أعدائي فأنا كفيل بهم)
4- يا رب تهدي كل صحباتي اللي طول النهار بيتكلموا عن عيالهم (و الإسهال و الإمساك و الترجيع) ..يا رب نفسي أفطر مرة بنفس من غير ما يقلبوا معدتي..ولا يعني لازم أستحمل عشان كل واحدة فيهم عندها 3 عيال و أنا الوحيدة اللي عندها 4 بلوجات و كتاب؟
5- يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام..يا رب مافيش أي تباع ميكروباص يقوللي يا مدام
6- يا رب ما أسمعش التعليق عن أي نجاح أو أي حاجة كويسة باعملها بالقول المأثور.." طب كويس إنك لاقية حاجة تشغلك"..يا رب اللي يقولهالي يقعد يتفرج ع البيت بيتك لمدة 6 ساعات و يكون يوميها "تامر أمين " هو اللي بيقدمه ..بس خلاص..ياللا بأه ..هم اللي جابوه لنفسهم
7- يا رب البيه اللي مغلبني ده و مش راضي ييجي و لا حتى يعرفني أول حرف في إسمه و لا حتى يطلعلي في الحلم زي حسين فهمي في خللي بالك من بوزو ..يا رب يكون متشحطط زي ما نا متشحططة و متغلب زي ما أنا متغلبة ....زهقني ..زهقني..إيه الملل و اللكاعة دي ..يا رب يتكعبل دلوقتي في حرف السجادة و يتخبط في سن الحيطة و ياخد غرزتين في دماغه عشان أعرف إني بادور على واحد كان بيتخانق مع ماكنة خياطة و ما يدخلش صالون بيتنا أي عريس ما يعديش إختبار الغرز..و أخلص بأه من موضوع الصالونات ده خالص
هه..هه..هه
معلش إنفعلت شوية
عموما كل سنة و أنا طيبة ..النهاردة بأه عندي 30 سنة ..و السنة الجاية إن شاء الله ..بافكر أرجع و أبقى 29

الرجل المركوب......!!!

هذه تدوينة او بوست من بوستات مكسوفة المحذوفة - طبعا مش مكسوفة هي اللي محذوفة لكن البوستات هية اللي محذوفة !! :

الرجل المركوب......!!!

أعجبتني قصة قرأتها بالأمس بعنوان الأسد المركوب،هل يمكن لأحدكم أن يتخيل الأسد ملك الغابة مركوبا، بل ويتقاضي أموالا مقابل

ركوبه تماما مثله مثل باقي الدواب المستخدمة كمطية للأنسان؟

طبعا يبدوا لنا هذا الأمر مستحيلا، لكن المغزى من القصة يختلف تماما عن المعنى الذي قد يتبادر لنا للوهلة الأولى وقد أوحت لي القصة ببوست عن الرجل المستأنس أو المركوب، وجميعنا نراه ونعرفه دون الإحتياج لأدلة وبراهين كثيرة تقودنا اليه
في رحلة قدومي الى القاهرة، تصادف وجود زوج بصحبة زوجته وأولاده يجلسون في المقاعد المجاورة لي،الزوج رجل (طول بعرض) وتبدو عليه مظاهر الرجولة بمعنى الكلمة، فلا شعر منكوش ولا ديرتي لوك ولا وسامة تشكك البعض في كينونته
على الجانب الآخر زوجته الشابة التي اطلقت شعرها الطويل في كل أتجاه، والى هنا أيضا ويبدوا الأمر عاديا، ولكن غير العادي هي الملابس التي ترتديها وهي ليست (سكومونو) صغيرة في السن،بنطال جينز حايتفرتك عليها وظهرت مؤخرتها الممتلئة بشكل يثير الغرائز،وبلوزة محزقه الى درجة وضوح سرتها وكانت الحقيقه محطة لطواف الأعين، فقد لفتت إنتباهي فما بالكم بالرجال الذين أكلوها بأعينهم رغم أنها متوسطة الجمال، وعلى سير إستلام الحقائب وقفت هي بحماس لتنتظر أمتعتها، بينما تواري زوجها الخمسه في سته خلفها وهو ينظر لها بفخر وحب وحنان

في اليوم التالي قامت أحدى زميلاتي القدامي والتى لم أراها منذ مدة طويلة ،بدعوتي الى بيتها، وعندما دخلت غرفة الإستقبال لفت إنتباهي صورة ضخمة على الحائط بها حيوانان الأول أسد متوحش يحتضن قطة بيضاء،فأبديت أعجابي باللوحة، فقالت لي الزميلة إنها تعبر عن سياسة البيت، فعلقت ضاحكة(من المؤكد أن زوجك الأسد وأنت تلك القطة الأليفة الوديعة) فنظرت الى بأستنكار وقالت لي بالطبع هو العكس مما ذكرتيه فأنا الأسد وهو القطه

وفي غرفة الجلوس أجتمعت أكثر من إمرأة كل منهن تتحدث عن أسلوبها القمعي مع زوجها الذي أصبح نعجة ( تمأمأ) خوفا من الذبح،أحدهن تباهت بأن زوجها خاتما في إصبعها، وأخري أكدت أنه لايستطع فتح فمه معها وإلا كانت(مرمطت بيه الأرض)، وأخري قالت لايستطيع زوجي التحدث مع أية إمرأة وإلا ضربته بالجزمه(قالت كده فعلا)حتى أنه عندما يري زميلاته في العمل في أي مكان يخفي وجهه حتى لايضطر للسلام خوفا من زوجته(مشاء الله راجل بجد) ربنا يعينه، وأخرى أقسمت أن بيتها محرما على أهله ولا يستطع إدخال أحدهم طالما أنها قررت حرمانهم من دخول جنتها، وهالني ما سمعت وكأن هؤلاء الأزواج يلعبون في سيرك الزوجات

حقيقة أشعر بالقرف من هؤلاء النساء اللواتي فضلن أدوار الذكورة ومارسن القمع على أزواجهن، ويصيبني الغثيان أيضا من الرجل المركوب الذي تنازل عن رجولته وكرامته وفضل أن يكونا مركوبا في قدم زوجته

والرجل المركوب ظاهرة وليدة عدة عوامل



أولا: أن تكون الزوجة ذات مال وهي التي تتولى الأنفاق عليه وعلى أولاده لذلك لايستطع أن ينبس بكلمة معها ويفضل يتركب وبيقول جوه نفسه اللي يجي منها أحسن من عنينها

ثانيا: قد يكون الرجل اسدا حقيقيا من قبل إلا أنه مر بظروف صعبة كالمرض، أو خساره ماله أو فقدان وظيفته أو أن وظيفته لاتأت بالمردود المناسب، أو أنه لم يعد قادر جنسيا واصبح قضيبه مائلا لاينتصب سوى ثواني أو أصبح كورق الكلينكس لايقف ابدا، فاستأسدت المرأة عليه ،فتبدلت الأدوار،واصبح يفضل ان يكون مركوبا في فترة التحولات الإقتصادية


والتحولات الجسدية



خشية من لسان زوجته التي يعرفها جيدا



ثالثا:هذا الرجل مركوب من البداية لإنه صاحب شخصية أعتمادية ،ووجد في زوجته الحماية والعون والسند وهذا النوع مشكوك في أمره وخنيث وهو مستمتع بدوره كمركوب في رجل زوجته ويرى أنه لايصلح لغير هذا الدور

بمعنى أن الرجل المركوب من البداية قرر مصيره على أساس مصالحه المرتبطة بزوجته(أقصد من ركبته)إستنادا للحقيقة المعروفة من يملك يحكم ومن لايملك لايحكم، فلماذا يحكم الرجل وقد تكسرت أنيابة وتخلعت مخالبه


ومن هنا تأتي أيضا الزوجة بمالها وتفرض نفسها حسب مايتطلبه الواقع الموضوعي

إلا أنني أقول أن الرجل المركوب أكبر خازوق، فالمرأة الغبية فقط هي التي تستمتع برؤية رجلها مركوبا،فهذا الزوج يمارس في الخفاء وبعيدا عن أعين زوجته (سيكولوجية المقهورين )مالم تتخيله الزوجة البلهاء، فهو رجل يمارس ذكورته و ينقلب ضعفه أمام زوجته الى رجل مكتمل الرجولة أماما عشيقته

موش قلت لكم الرجل المركوب خازوق

Post a Comment On: MAKSOFA
"الرجل المركوب...خازووووووووووق"
39 Comments - Show Original Post
Collapse comments
Eng. Ahmed Abo El-Ella said...
الرجل المكوب ينتهي به المطاف ليكون مريض بالانفصام فهو يحاول اثبات انه رجل بره البيت ولا يستطيع ذلك داخل البيت

والحقيقه انا لا اتصور اية متعه لأمرأه تتفاخر بأنها زوجه لنصف رجل!!!
Wed Dec 10, 11:04:00 AM 2008


الازهرى said...
اول تعليق
Wed Dec 10, 11:26:00 AM 2008


الازهرى said...
العزيزة مكسوفة

للاسف تحليلك لوضع هذا الزوج صحيح تماما
المشكلة فى الزوجات وخاصة العاملات منهم اللاتى تستمرئن الوضع ويحببنه حتى يقعن فى المشاكل ولا يجدون من يقف بجانبهم
والزوج ايضا مشكلة كبيرة ان يظل على هذا الوضع ولا يغير من نفسه

تحياتى دوما
Wed Dec 10, 11:28:00 AM 2008


ايام العمر said...
انا قريت الموضوع
بس هجز تعليق واروح اقراة تانى وارجع
Wed Dec 10, 11:31:00 AM 2008


~*§¦§ Appy §¦§*~ said...
يا صباح الفل كل سنه وانتى طيبه يا قمر

نيجي للموضوع ومين قال انه راجل اصلا اصلا يعنى
اولا الراجل اللى يقبل من البدايه الكلام ده وان مراته تتكلم عليه بالشكل ده يبقى شبه رجال واشباه الرجال كتير
بس بينى وبينك فيه ستات كتير بتبقى بتنخع فى الكلام يعنى اى كلام علشان ترسم
بتاع المطار مش عارف بالظبط هو انتى زعلانه علشان مخرح مراته كده ولا ايه مش فاهم عموما فيه ناس دي حياتهم كده يعنى طبيعي فى الوسط بتاعهم ان دي مش منتقده بس انا مشوفتش شكلهم علشان احكم
صباح الفل يا قمر
Wed Dec 10, 11:36:00 AM 2008


أحــوال الهـوي said...
في البداية كنت متفاجأ من اسلوبك في الكتابة اللي مافيهوش كسوف برغم عنوان المدونة المضلل
و الان ان معجب بالقضايا المثارة و اسلوب معالجتها
نرجع للموضوع
ستنا المكسوفة
حقا ما قلت و رايك مفاجئه لي ان يكون راي سيدة في الزوج المركوب هكذا و كنت احسب ان هذا النوع ما تصبو ايه النساء و تخطط له ان يصير زوجها زي الجزمة في رجلها

و لكنك نسيت نوع الرجال الذين يستمتعون بهذا الخنوع بصرف النظر عن الانتقام القهري ولكنهم يعشقون دور المظلوم

انا ااسف لانتشار هذا النوع من الرجال في الاجيال الجديدة نظرا للضعف الجنسي و عدم القدرة علي اشباع غريزة زوجته فيصبح تابعا خوفا من افشاء نقطة ضعفه او ابتعادها بعد رضاها بنصف رجل و لو مش مصدقة انظري احصائيات استهلاك الادويه الجنسية و الفياجرا سوف تقتلتك الحقيقة

تحياتي
Wed Dec 10, 01:22:00 PM 2008


An Egyptian said...
أحسن عقبال كل رجالة مصر عشان يبقوا يعاملوا الستات وحش بعد كده
Wed Dec 10, 01:24:00 PM 2008


زوجه said...
السلام عليكم
فعلا والله الراجل المركوب اكبر خازوق
انا واحده من الناس مبسوطه جدا ان زوجي مبيرضاش انزل من البيت بعد أذان المغرب لازم يكون معايا حد من محارمي اخويا ابويا زوجي
ولكن لما بتكلم كده قدام صحابي ومعارفي بيقولوا عليا اني مقمعه وايه القرف ده
لكن انا بالعكس بحس انه خايف عليا وانه بيحبني جدا
تحياتي علي البوست الجميل ده
بس علي فكره في كتير ستات بتكلم كلام مفيش منه اي وجهه من الحقيقه
وبتقول اللي نفسها تعمله لكن مش اللي بتعمله فعلا
Wed Dec 10, 02:20:00 PM 2008


mahasen saber said...
لا هو ينفع يبقى مركوب ولا هيا تنفع تبقى مركوبه

عشان لا هو حمار ولا هيا حماره
دول بنئادمين بشر يعنى التواصل والحوار والاحتكاك ما بينهم لازم يكون على مستوى انهم بشر

....
كل عيد وحضرتك بالف خير يا مكسو يا قمر
وبنتك وابنك بكل خير
Wed Dec 10, 02:27:00 PM 2008


راجى said...
فى الحقيقة انتى ظلمتى الست اللى جوزها (عنده عجز جنسي ) ، طيب هى حتعمل ايه لو كانت موش بتعط بره؟تموت نفسها يعنى ؟ اقل واجب انها تطلع دينه، موش احسن له يفك كيسه ويشترى فياجرا انشا الله من النوع الهندى ويرجع تانى يهبدها كل ليلةعشان عينها تتملى
وكمان ظلمتى الست اللى بتصرف على جوزها فأقل واجب انها تمرمط بكرامه امه الارض عشان رضى يبقى شبشب فى رجلها
اما بقى اللى بتسيب جوزها يجيب نسوان فى سريرها فدى بقى اللى تستاهل ضرب البراطيش
واخيرا جعلك الله زخرا لنا وامتعنا بظرف موضوعاتك التى تنم عن خبرة وثقافة نحتاجها جميعا
Wed Dec 10, 02:29:00 PM 2008


... amr said...
اللهم لا تجعلنا من المركوبين و لا من الديوثين
اللهم لا تجعلنا اشباة أو أنصاف رجال واجعلنا رجالا حقا

أصل الكلام دة ملوش تعليق بصراحة !! يعني تيجي لواحد **** و يتحسب علينا راجل !!! يعني مش كلام برضة
لآ ولا كلة و اعلانات بيريل دي بتاعت استرجل و اتنيل اشرب زفت ... حاجة منتهى الاستفزاز و المياعة بصراحة
وبعد كدة يجوا يقولوا الناس مبقاش عندها نخوة أو بيحكموا بمعايير غلط
بلد تقرف ... مجتمع يقرف
مفاهيم تستفز
Wed Dec 10, 05:31:00 PM 2008


م/ الحسيني لزومي said...
تقبل الله منا ومنكم
وكل عام وانتم بخير
Wed Dec 10, 07:20:00 PM 2008


mony said...
عندك حق و الله

موضوع جرئ مش بيتقال الا في قعدات الانتريهات بس
عرضتيه بشكل جيد و موضوعي


كل سنة و انت طيبة يا قمر
Wed Dec 10, 09:06:00 PM 2008


انا حره said...
دى ستات معندهاش دم

انا عن نفسى بحتقر الراجل اللى من النوع دا
Wed Dec 10, 09:09:00 PM 2008


bastokka طهقانة said...
كلام قوي جدا انا معرفش حد من عينة الستات دي و لا الرجالة دي فهل مجتمعي مجتمع مغلق الى هذا الحد ام ان هذه العينة نادرة الوجود!!!

احتقر الست و الراجل اللي يقبلوا يلعبوا الدور ده لانه مخالف تماما لمفهوم الزواج و المودة و المحبة و الاحترام

مفيش شك ان لازم يكون في اختلافات في الاراء و مشاكل زوجية بتعمل للحياة طعم بس ان حد يستاسد او يتقطقط
في النهاية يبقى اتحولوا لحيوانات

دايما مواضيعك تستفز تفكيري و تدفعني للتساؤل
متغبيش يا جميلة
و كل سنة و انتي طيبة
اوروفوار
Wed Dec 10, 11:02:00 PM 2008


fashkool said...
ايه الحكايه يا مكسوفه .. انت بتكتبى .. مين اللى قال لك الكلام دا عنى .. انتى عرفتى منين ..
العزيزه مكسوفه .. الكلام عن الموضوع دا شرحه يطول .. يا بنتى لا ينفع الراجل يتركب ولا برضه الست تنفع تتركب .. وانا فوجئت ان الستات ترفض الرجل المركوب .. امال ايه اللى عمالين نسمعه ليل نهار فى الفضائيات عن قهر الرجل للمرأه وصوات وعويل من نساء كثيرات مع انه للأسف كدا متهيأ لى كل الرجال اصبحوا مقهورين .. امال ليه كل الصوات والعويل اللى فى الفضائيات
شوفى يا مكسوفه
الرجل ليس فى طبعه ان يركب زوجته ولا يريد ذلك ولكن بما انه هو المنفق على البيت فهو له وجهة نظر ولانه هو المطالب ماديا يتمسك بوجهة نظره
والست ايضا ليس فى طبعها ان تركب زوجها ..ولكن قرأت تعليق لآبى بتقول ان فيه ستات بتنخع كتير عشان تعرف زميلاتها انها هى المسيطره .. ودى مشكله كبيره جدا لان هناك من يحاولن تقليد هذا الموضوع وانا شاهد على حاجات زى كدا وبتنتهى بكوارث والست اللى قلدت النخاعه بتندم اشد الندم بينما النخاعه هى اللى كانت مركوبه ولا تقدر تفتح بقها لكن بتسلط زميلاتها
العلاقه بين الرجل والمرأه المفروض انها علاقه متوازنه والبيت مش ساحة حرب .. البيت مؤسسه للحياه المشتركه بين رجل وامرأه ولتربية الاولاد ولحياه مشتركه بين رجل وامرأه .. فطالما ان الرجل لا يستغنى عن المرأه والمرأه كذلك لابد ان يقوم على التوازن لا هذا راكب ولا هذا راكب .. فيه بيوت كتيره بتقوم على اساس دراسه للمواضيع واتخاذ قرار فيها .. يعنى انا لما بيحصل خلاف بينى وبين الحاجه نقوم بطرح الموضوع ونتكلم فيه وبنوصل لحل يرضى كل الاطراف .. ماهم الاولاد برضه اطراف .. انا عندى كلام كتير قوى .. لكن الموضوع طول منى وكفايه كده .. كل عام وانت بخير
Thu Dec 11, 01:28:00 AM 2008


سمـــــــــــا said...
هو فيه مثلين الحقيقة يمشوا على الموضوع دا

المثل الاولانى : اللى ميخافش من مراته ميبقاش راجل

وانا بشوف ان فعلا الرجالة بتعمل لستاتها حساب جامد جدا، ولو مكنش علشان الاسباب اللى قلتيها فى البوست فبيكون علشان متوجعش دماغه وتنكد عليه لو عمل قدامها تصرف ميعجبهاش يعنى من الاخر بيشترى راحته

المثل التانى : ياما تحت الساهى دواهى

يعنى صعب اوى تلاقى راجل مخلص بمعنى الكلمة فى الزمن دا

لو مكنش خاين هيبقى كداب ولو مكنش كداب الخ الخ وما خفى كان اعظم

لكن حد محترم ومخلص كده لله فى لله ؟ بصراحة مشفتش ومعتقدش انى هشوف وخصوصا فى زماننا دا :))

يعنى زمان كان فيه بس خلص وبعتوا يجيبوا ومن ساعتها مرجعوش :))

تحياتى يا جميل وعيد سعيد عليكى
Thu Dec 11, 02:50:00 AM 2008


adhm said...
مبروك رجوعك للتدوين وكل سنة وانتى طيبة
Thu Dec 11, 03:00:00 AM 2008

momken said...
ههههههه
اسم البوست والصوره يهلكوا من الضحك

اولاً كل سنه وانتى طيبه وفى منتهى السعاده

بالنسبه للبوست

شوفى ياستى

كل ست فى الدنيا بتتمنى تركب مركبه الحياه بجانب زوجها الذى يستطيع وببراعه قياده تلك المركبه وهى تحلم بان تكون مطمئنه وهى بجانبه لانها تعلم مسبق براعته فى القياده

وهى تعلم ايضا ان كل امرأه تحتاج للاسترخاء ختى تحافظ على انوثتها وجمالها وجزبيتها وهدؤ روحها

اما ان كان الزوج متهور او ارعن او متخلف
فهى تبداء بتعلم فنون القياده (فقط لتقود هى مركبه الحياه فى فترات انحرافه او نزواته

فأذا اعتاد الزوج على هذا الوضع اعتادت الزوجه على وضع القياده
لانها تخشى

وهنا يكون التنازل الطوعى عن المراكز فى البيت

وطبعا نضيف للحجات دى لو الراجل عنده ديفوة ( او عيب او نقص معين)مثلا لا يستطيع جلب المال
او عدم القدره على اشباع رغبتها كانثى( سلم نمر يعنى) او انه رمرام مع الشغاله وهى قفشته كذا مره وكسرت عينه

وحجات تانيه كتير ربنا يكفينا شرها

لكن ما تنشده كل امرأه فى العالم من ايام ستنا حوا الى ان يرث الله الارض من عليها

هو الامان والاطمئنان
ولا اعتقد ان هناك من تبحث عن ما هو افضل من هذا

فاذا لم يجد الرجل فى نفسه القدره على توفير هذا الشرطان فلا يبحث عن زوجه من اصله فليس له فى معاشره النساء

البوست رائع طبعا

كل سنه وانتى طيبه
تحياتى
Thu Dec 11, 10:56:00 AM 2008


MAKSOFA said...
Eng. Ahmed Abo El-Ella


أعتقد أن رأيك صحيحا فهو مصاب فعلا بالفصام بدليل تعدد شخصياته حسب المواقف

--------------

الازهرى

فعلا قد تكون المشكلة مشتركة بينهما، لكنني أرفض مهما كانت الأسباب أن يكون الرجل مركوبا لأنه يسقط من نظر الآخرين
-----------------


~*§¦§ Appy §¦§*~

صدقيني وعن خبره فقد رأيت مثل هؤلاء الرجال والنساء المرضى كثيرين

------------------

أحــوال الهـوي


في النهايه كلاهما يثير قرفي وأشمئزازي


خاصة هذا الرجل الذي يتحدث كثيرا


وعامل سبع البرومبه وهو أجبن من الفار

-----------------

An Egyptian


طيب ليه كده؟

-------------------
زوجه

لاتوجد إمرأة مهما بلغت قوة شخصيتها تفضل ان يكون رجلها مركوبا كفردة الحذاء في قدمها

وسيأتي عليها اليوم الذي تحتقره مهما أوهما أن مايفعله حبا لها


----------------------
راجى

ياراجي هو فيه واحده بتسيب جوزها يجيب نسوان على سريرها

اكيد ده من وراها وهي عامله أسد، وأكيد هو بيحس بمتعه أنه بيستغفلها

---------------------
... amr

أمين ..على فكره صدقني الرجل المركوب بيبقى عارف انه مركوب بس بيستعبط

------------------
م/ الحسيني لزومي

وانت طيب

-----------------
mony

ماهو الحلو اننا نخرج مايقال في الجلسات السريه للعلن


-----------------------
bastokka طهقانة

صدقينيي ياطهقانه العينه دي موجوده وكتير وتلاقي الزوج المركوب ده عامل نفسه أسد جبار ، طبعا موش قدام مراته


--------------------
fashkool

صدقني مافيش نخع لأني شايفه بعيني النوعيه دي

-----------------------
سمـــــــــــا

كلامك صحيح ميه في الميه


--------------------
adhm


وانت طيب

بس تعالى هنا في تعليقاتك الساخره ؟؟؟
----------------------

momken

أحيانا للضرورة أحكام
-----------------
ايام العمر

قلت جيت وحاترجع تاني وتعلق ومحصلش لعل المانع خيرا
Thu Dec 11, 11:30:00 AM 2008


MAKSOFA said...
mahasen saber

معك كل الحق
Thu Dec 11, 11:36:00 AM 2008


OverFOrty said...
يا جماعه الموضوع مش خناقه المركوب ده يبقى اى حاجه غير انه راجل و بالتالى الست اكيد حتكون تعيسه لو مش متجوزه راجل
و متجوزه مركوب
Thu Dec 11, 11:54:00 AM 2008


يا مراكبي said...
هذا الموضوع مهم وأهم نقطة فيه هي الخلاصة التي وصلتي إليها في آخر البوست ولخصتيها قبل ذلك في عنوان البوست أيضا

أحب أن أضيف أن السيدة السوية هي التي لا تخجل من أنوثتها فعلا أوشكلا أو مضمونا .. بل تتصالح مع نفسها تجاه ذلك وبالتالي فهي لابد ألا تفرح بأنها هي التي تتحكم في زوجها أي كانت الأسباب
وذلك لأنها في تلك الحالة ستظل دائما وأبدا تحس بالنقص لأنها لا تعتبر أنها متزوجة برجل مكتمل الرجولة .. بل هي مرتبطة ب "ذكر" وليس رجل .. والفرق بينهما كبير

وبالتالي سيظل كلاهما في إحساس بالنقص مما سيؤدي إلى ما ذكرتيه من إنحرافات وخيانات من خلف الستار كنتيجة طبيعية لهذه العلاقات الشاذة
Thu Dec 11, 12:13:00 PM 2008


... amr said...
:)) يبقى مش راجل سياتك
سواء ركبة راجل ولا ركبتة ست ولا حتى ركبة فار
:S
Thu Dec 11, 12:43:00 PM 2008


Sherif said...
عزيزتى مكسوفة

ينبغى أن نفرق بين الرجل الجنتل مان والرجل المركوب الذى تتحدثين عنه

فالأول غير متوفر كثيرا فى بلادنا الغراء .. واذا وجد فاننا يمكن اتهامه بسهولة بما وصفت .. من الصعب العودة لزمان سى السيد

لاتنسى ان الرسول عليه السلام تزوج من خديجة وعمل فى مالها وهى موسرة يعنى باختصار كانت بتصرف عليه

لكننا فهمنا القوامة بانها الصرف وهذا غير صحيح .. لأن الرجل يحمى المرأة ولم نسمع فى التاريخ انها تحميه.. يعنى يحمى مالها وبيتها واولادها ليس ماديا فقط .. بل معنويا لأنه دوره الدفاع عن سلامهم النفسى

ثانيا .. ربنا يعطينا جميعا الصحة .. لابد ان يعترينا الضعف مع العمر .. والجانب الجنسى بصفة خاصة اصبحت حلوله ابسط من البساطة ومتوفرة فى جميع الصيدليات
اذا .. هذا الجانب ليس عاملا أساسيا والحلول متوفرة للجنسين

يتبقى جانب هو فى اعتقادى نفسى وشخصى قبل كل شئ .. يعتمد أصلا على قوة الرجل النفسية .. وليست العضلية .. بمعنى أن يكون قويا قى مبادئه .. قويا فى أقباله على الحياة وتحقيق النجاح له ولاسرته فيها .. صدقينى القوى والروابط المعنوية هى التى تدوم ..

وأنا لاأرى سيدة فيمن تحكى عن زوجها انها تحترمه.. والا كيف تقول عنه .. كذلك لااحترم العكس .. ولاأبالغ ان قلت انها لاتحبه .. ببساطة لأن الله يقول "وجعلنا بينكم مودة ورحمة" والرحمة فى أبسط معناها ألا تخدش تلك العلاقة الدقيقة بما يجرحها ويجعلها عرضة للأحاديث

والا فمارأيك؟
Thu Dec 11, 02:37:00 PM 2008

رئيس جمهوريه نفسى said...
مع كل الاسباب اللى انتى اوردتيها والى بتنتهى لكون الراجل مركوب والنتائج اللى بتتحقق على كده من كون الراجل بيلعب بديله ده اصلا بيكون فهم خاطى للعلاقه الزوجيه من الراجل والست
العلاقه الزوجيه علاقه موده ورحمه كما ورد فى القران الكريم مش مجرد حرب بين طرفين مين فيهم يكون اسد والتانى بينتهى بيه الامر لقطه بعض السيدات اللى بتحاول تبقى الاسد بتظن انها بتأمن حياتها وانى القطه مش حتطلع من تحت طوعها ولا حتقدر تتنفس بس بينتهى الامر للاسف فى الغالب الى لحظه انفجار بتهد البيت كله من جانب القطه وفى لحظتها حتكتشف انها خسرت كتير بكونها اسد مش قطه
انا مع انى المراه تتقالد اى منصب فى الدنيا وتخرج لسوق العمل وتشارك فى كل حاجه فى الحياه بس شريطه انها تلتزم بدورها فى المنزل كقطه لانى هو ده الدور الوحيد اللى هى مش حينفع تكون غيره
Thu Dec 11, 03:05:00 PM 2008


صفـــــــاء said...
.
فى كتير رجاله كدة

وفيه كتير ستات برضه

بس راجل بالنوعيه دى لا يحترم ولا يعاشر

وحرام العيشه معاة ساعه واحدة
.
Thu Dec 11, 03:54:00 PM 2008


fashkool said...
مكسوفه العزيزه والعظيمه بنتى حبيبتى
عارفه يا مكسوفه .. الفلاحين حاليا عندهم كل حاجه الدش والموبايل والفيديو بقى موضه قديمه وعندهم الميكروويف والغسالات الفول اتوماتيك .. عندهم كل حاجه وعندهم اللى مش عند بتوع البنادر.. انا مبسوط انك وضبت المدونه توضيبه جديده عشان كنت بدوخ عندك .. كل سنه وانت طيبه يا ريفيه زىىىىىىى
Thu Dec 11, 04:24:00 PM 2008


fashkool said...
مكسوفه العزيزه والعظيمه بنتى حبيبتى
عارفه يا مكسوفه .. الفلاحين حاليا عندهم كل حاجه الدش والموبايل والفيديو بقى موضه قديمه وعندهم الميكروويف والغسالات الفول اتوماتيك .. عندهم كل حاجه وعندهم اللى مش عند بتوع البنادر.. انا مبسوط انك وضبت المدونه توضيبه جديده عشان كنت بدوخ عندك .. كل سنه وانت طيبه يا ريفيه زىىىىىىى
Thu Dec 11, 04:38:00 PM 2008


someone in life said...
مكسوفه

كل سنه و انت طيبه

انا معاكي في كل اللي قلتيه و انا كتبت بوست قبل كدة في مدونتي اسمه شبه الرجل للاسف مافيش حد فهمه كتير و اتهموني اني جايه علي الرجل قوي
انا كتبته من الواقع اللي شايفاه في الشغل و النادي و الشات و غيرة من مجالات
الراجل المكسور عينه من الست و اهلها في البيت و حاطه بوز جزمتها في بقه
و بره عامل فيها عنتر

الراجل اليومين دول نوعين يا استك يا بلاستيك .. تحياتي
Thu Dec 11, 09:04:00 PM 2008


سمكه وحده said...
اولا بقي بالنسبه للراجل المركوب فبجد ومنغير مبالغه كتير جدا جدا وتلاقي حجات في الحياه والشارع واللي حواليكي توضح ده خاصا في الشارع لما تلاقي واحده ست زي لفل كده ولبسه مش لبسه وحاطه الوان الطيف وشكلها استفغر الله العظيم وعموا توتي وراها) شايل البيبي العيل يعني وهو ماشي يهز في كتافه مشيها اكتافه يا مكسوفه هه اكتافه واخده بالك انتي
او نوع تاني بيبقي حمار بينه وبين مراته متر في الشارع وهي وراه وسحبه العيال والشنط وهو زي الحمار بجد ببقي عايزه اروح اضربه في دماغه في المجتمع انواع كتير واشكال كتير فيها مركوب وفيها محروق
والست اللي تقول اديله بالجزمه ولا فاكره نفسها ان شخصيتها احلي كده بتبقي هبله والحياه مش بتبقي حلوه ابدا لازم كل واحد ياخد الدور المناسب بتاعه عشان تبقي حياه زوجيه جميله وسعيده

سيبك انتي يا جميل
كل سنه وانتي طيبه ويارب تكوني اتبسطي في العيد وسط الاهل في مصر وترجعي بالف سلامه
Thu Dec 11, 09:07:00 PM 2008

nouna said...
مكسوفة
للاسف هذة الحالات منتشرة ولا يمكن غض الطرف عنها وهناك عنف موجه للرجل تماما كالعنف الموجه للمراة(طبعا العنف صوره عديدة بما فيها الضرب) والمراة الستأسدة والمتنمرة على زوجها واهلة فى قرارة نفسها لا تحترمه وتتمنى لو انه العكس وكلما قل احترامها له كلما امعنت فى اذلاله.
المصيبة الناس فهمت الزواج غلط ونسيت انه مودة ورحمةواحتواء وخد وهات
فليرحمن الله جميعا وياريت نربى اولادنا صح
Thu Dec 11, 11:06:00 PM 2008


اقصوصه said...
تدوينه جميله

وكل عام وانتم بخير :)
Fri Dec 12, 10:45:00 AM 2008

أبو said...
لا هاسلم للمحبوب
ولا هارضى أبات مركوب
ولا هاقبل أبداً يا دنيا
أكون راجل بالشقلوب

الحمد لله على نعمة العزوبية...كفى بها نعمة
Fri Dec 12, 05:12:00 PM 2008


allfollowsome said...
الراجل لو مش غلبان واتركب بيبقى اتركب بمزاجه علشان له مصلحة

والست لو ركبت جوزها علشان هو غلبان تبقى مش بنت اصل

ربنا يسترها على الرجالة ويجعله عامر

كل سنة وانتى طيبة وشكرا للسؤال
Fri Dec 12, 10:50:00 PM 2008


kochia said...
سيدتي
كلما قرا جزءا اردت التعليق عليه وعندما وصلت للنهاية وجدت انك حللت الامر واجبتِ كل التساؤلات

السؤال بقي كيف يعيشون هؤلاء بسعادة
هل السعادة ان يتحول الزوج الي تابع والمراة الي قائد بهذا الشكل المشين
حتي مش بشكل مقبول جزئيا

مهما ادعوا او ادعين انهم سعداء بهذا الشكل لن اصدقهم

ان السعادة الحقيقة في تعامل كل انسان مع نفسه ومع الاخرين بكينونته الحقيقة
لا سعادة لانثي تتعامل كرجل وتضع شاربا وهميا في التصر والتعامل

ولا سعادة لرجل ترك مقوده في يد زوجته وتنازل عن هبة القيادة التي وهيه الله اياها حتي لو كان ضعيفا فيها احيانا

وهذا وذاك هو ما يجعلنا مكروبين في هذه الحياة

موضوع مميز وللاسف الناذج حقيقة
تحياتي

------------------------------------
اشكرك جدا علي سؤال عني وعن جديدي.. واعدك بالجديد قريبا وسعيدة بمتابعتك
Sat Dec 13, 02:11:00 AM 2008


MAKSOFA said...
OverFOrty

الست الطبيعيه اكيد حاتقى تعيسه لو متجوزه مركوب لكن فيه ستات كتييييييييييييير بتحب تركب هيه وحتى لو لقيت جوزها بيقاوم بتفضل وراه لغاية ماتخليه جزمه تلبسه في رجلها



يا مراكبي


للأسف ولى زمن سي السيد وامينه لم تعد مستكينه بل تحولت بقدرة القادر الى الرجل الأخضر شمشون الجبار الذي لايقهر



... amr


طبعا كلامك صح اللي بيتركب من مراته بيتركب من كل حد

بس ساعات يمارس قهره على الناس اللي بتحترمه




Sherif

رأي أنك قريت البوست كويس قوي وعلقت تعليق كويس جدا جدا وعجبني



رئيس جمهوريه نفسى

في اعتقادي ان جزء من جمال وانوثه المرأه أنها ومهما كانت قويه ومهما كانت ذات مكانه علميه او عمليه أو إجتماعيه


ان تكون قطه

في حضن الرجل الذي تعشقه
Sat Dec 13, 07:08:00 AM 2008


MAKSOFA said...
صفـــــــاء

الراجل ده مقرف ويثير غثياني


والمراة من هذا النوع امرأة منفره

وكلاهما نماذج غير سوية


allfollowsome



احنا في زمن الفلوس ومن يملك يحكم



kochia

في انتظار الجديد


someone in life

علىعلى رأيك الراجل اليومين دول يا أستيك يابلاستك


ويا مركوب وخازوق




سمكه وحده


كل سنه وانت بالف خير


والحمد لله انا مبسوطه في مصر وبجد موش عايزه اسافر




بوسه كبيره لحبيبتي السمكة بطعم السكر



nouna


شوفي يانونه المرأة المستأسده وراها زوج ضعيف او زوج بيحب يتركب علشان مصلحته




اقصوصه


اشكرك

وكل عام وانت بخير




أبو

لأ ماهي الست الطبيعيه والراجل السوي يفضلان ان يعيشا أدوارهما التي فطرهما الله عليها
Sat Dec 13, 07:20:00 AM 2008


بس خلاص ... said...
كل سنه وانتى طيبه وحشتينى جدا جدا ..انا كنت مش باعرف ادخل المدونه قبل كده مش عارفه كنت كل لما افتحها تفصل عندى ..لكن الحمد لله التحديث اللى انتى عملتيه خلانى اعرف ادخل عندك ..واقولك كل سنه وانتى طيبه .. موضوعك ده هو من وجهة نظرى تقوم على اساسه كل العلاقات الانسانيه فى المجتمع لان المجتمع رجل وامرأة .. وأذا كان هناك احد الطرفين غير سوى فإنه يؤثر بالسلب على الطرف الاخر وبالتالى على شكل العلاقة الزوجية وايضا ينتقل التأثير السلبى على تنشئة وسلوكيات الاطفال ... وبالتالى تتعد المشاكل فى المجتمع ككل لان الاسرة هى اللبنه الاساسية فى بناء مجتمع اذا صحت صح المجتمع كله ... وكما قال من سبقونى ان السيده التى تتباهى بأنها هى سيده الموقف هى سيده مريضه بطبيعتها او نتيجه علاقة زوجية غير سويه والعكس بالعكس ... فعلا قضيه هامه تستحق التأمل ...فلابد من كل رجل وسيده ان يعيدا حساباتهم فى علاقتهم ويحاولوا الوصول الى الوجه الصحيح وانا اشجع الرأى القائل ...الاتفاق او الطلاق
دمتى لمحبيكى
وكل سنه وانتى طيبه
Sat Dec 13, 06:33:00 PM 2008

مكسوفة

بعد مرور اكثر من شهر ونصف علي أطلاق مدونتي ، قررت أن أجيب علي السؤال الحائر علي السنتكم ، وهو لماذا أخترت أسم مكسوفة ؟ ولماذا أنت مكسوقة ؟ وكي أجيب لكم علي هذين السؤالين سوف أقص لكم الحكاية وبأختصار شديد حتي لا تصابون بالملل ، فلي صديق أعتز بة وبأرائة كثيرا وهو بالمناسبة زميل عمرطويل منذ أيام الدراسة وحتي سنوات الكفاح في العمل ، وتربطني بة سنوات وسنوات ربما تجاوزت الربع قرن ، ذات يوما أتصل بي هذا الصديق وسألني هل تتذكرين عندما كنا نتنافش سويا في بعض القضايا التي تخص المرأة ؟

فأجبتة بنعم ، فقال لي أريدك أن تكتبي لي عدة مقالات عن مشاعر وعواطف المراة والقصص التي شاهدتها بنفسك عن العلاقات الأنسانية والأجتماعية وكيف يتناول البشر الحكم عليها من خلال أعتقاداتهم وثقافتهم وأزدواجيتهم ،وغيرها مما كنت تلاحظينة بدقة وتعلقين علية ؟

وقبل أن أسألة لماذا ؟ أجاب سأنشر لك تلك المقالات في مجلة حاليا هي تحت الصدور ، وستكون تحت عنوان مكسوفة ، والحقيقة أن كل ما ستقومين بطرحة وتكتبين عنة لا يمت للكسوف بصلة ، لأنك ستكتبين بجرأة ربما لم تعتد المرأة الكتابة فيها من قبل ، وأضاف من خلال قراءاتك هل وجدت أمرأة تتحدث عن مشاعرها الحقيقة أو تنقل مشاعر وتجارب النساء كما يجب أن تكون ؟وقبل أن يسمع الأجابة علي لساني ، عاد ليسألني ثانية لماذا توجد نساء مثلك يستطعن الكتابة بهذا الأسلوب وتتركن أنفسكن للرجال يعبرون عن مشاعركن وقضاياكن ،وقبل ان أجيب.. لحقني وقال كثير من الرجال يتقمصون دور النساء في الكتابة ، فهل يمكن للرجل أن يجسد مشاعر الأنثي وهي تحب وتعشق وتمارس الجنس ،أو أثناء تغيرات جسمها الفسيولوجية من أعراض الدورة الشهرية ، او الحمل والولادة ، أو عندما تبغض أو تشعر بالظلم أو الأضطهاد ؟ وأيضا قبل أن أجيبة أجاب هو نعم يمكن للرجل أن يتخيل أو يسمع ماتقولة المرأة في تلك اللحظات الا أنة لم يجرب تلك المشاعر ولم يحس حقيقة بها ، فلن يستطيع مهما أمتلك أدوات اللغة أن يعبر بنفس العمق الذي ستعبر فية المرأة عن نفسها .

وراقت الي الفكرة وبالفعل قررت أن أمضي قدما في طريقي وبعد كتابة أكثر من مقال ، ا لم يحالفني الحظ في أن تصدر المجلة ، الا أنني كنت سعيدة بالفكرة و قررت أن أكتب كتابا يحتوي علي تلك الموضوعات التي قد نويت التحدث عنها ، الا أن هذا الموضوع لم أتحمس لة كثيرا ، وفجأة قررت أن أمارس الكتابة المجنونة التي أعشقها منذ زمن بعيد ولكن خلال مدونة تحمل أسم مكسوفة وعلي الأنترنت ، وتوسعت أطماعي في المزيد من تناول قضايا المرأة الشائعة كعلاقتها بزوجها وزملاء العمل ، وكيف يطاردها بعض الرجال كفريسة سهلة الوقوع ، وكيف تطارد هي الأخري الرجل لتحبة أو تتزوجة ،وكيف تبغض رجلها الذي أحبتة وكيف تنتقم منة كذلك قررت أن أتناول قصص وقوع المرأة في بئر الخيانة والأسباب التي تدفعها لممارسة أشياء لم تكن يوما تصدق أنها تفعلها وذلك بأكملة من خلال تجاربي الخاصة وتجارب الصديقات وزميلات العمل من حولي ، وقد أسرد لكم تلك المشاهدات من خلال نصوص أدبية ربما تشعرون معها بالمتعة ومن خلال رأي المرأة نفسها وليس كما يعتقد الرجل بأنة حقيقة قادرا علي التحدث نيابة عن المرأة حتي في الأشياء الخاصة جدا جدا .

وفي النهاية ليتني أستطعت أيصال ما يدور بداخلي اليكم ، وأشكركم للمساهمة في التعليقات التي تثري أفكاري وتجاربي ، وأشكر الزميل والصديق العزيز الذي أرشدني لتلك الفكرة وجعلني أهتدي لفن كان نائما بداخلي ، رغم أنة لم يواصل تحقيق الفكرة التي أقترحها علي ، بل وربما لا يتابع ما أكتبة حاليا ، الا أنني سأظل أذكرة بالخير ، ولن أنسي يوما أنة يعود الية الفضل في أسم المدونة (مكسوفة ) وفي الأهتداء الي الكتابة وبجرأة عن الأفكار والمشاعر الحائرة في نفس المرأة .MAKSOFA

درس نحو

درس نحو
05 فبراير, 2008, 02:15:21 م

أخف دم

http://akhafdamm.blogspot.com

الأمثلة
تجلس البنات في المترويقف الشباب في المتروإن البنات مفتريات إن الشباب غلبانون

الشرح
ياجماعة احنا لازم نعمل وقفة .. من اللى هيه كده

دلوقتى الأخت سحر الجعارة تطلع تقول ان المرأة لها نفس حقوق الرجل في المجتمع،

والأخت إيناس الدغيدى تطلع تقول قصدى تقلع تقول ان الراجل همجى مش بيعرف في المرأة غير جسمها،

والأخت إقبال بركة تقول إن مصدر جمال المرأة هو عقلها مش جسدها ولازم التعامل معاها كعقل بدون النظر إلى الجسد هيه عاملة فيه ايه.. ده باعتبار ان الواحدة تبقى ماشية في الشارع وواحد بقى يعاكسها يا ابو عقل جامد..ياواد انت ياابو مخيخ ملبن..حوش شعرك عشان نشوف جمال عقلك يا قمروالواحد بقى يكلم صاحبه وهما شايفين بنت ماشية.. شفت ياد العقل اللى لابس أحمر ده؟؟كل الكلام ده ماشى

والأخت هالة سرحان بيجيلها تخلف عقلى لو سمعت ان راجل قال لمراته حضَّرى العَشا..باعتبار ان العشا رجس من عمل الشيطان والأخت العزيزة سعاد حسنى تقول البنت زى الولد ماهيش كمالة عدد..

ومش عارف مين قال ان البنت كمالة؟؟ البنت طبق كشرى بحاله من الكبير ابو تلاتة جنيه.. زيه زى الولد بالظبط والأخت عبير صبرى ربنا يهديها تقول ازاى الراجل المتوحش القاسى التنين اللى بيطلع نار من مناخيره بيتعامل مع الأنثى اللى هيه نسمة ماشية ع الأرض يا ولداه طبعا انا باعدى الكلام ده لأنى عارف الولد المحترم بيعامل البنت المحترمة ازاى.. والزوج المحترم بيعامل الزوجة المحترمة ازاى ومش محتاجين نصايح اسم الله على جمالهم وأدبهم اللى فاتواالمشكلة بقى مادام بيقولوا البنت زى الولد.. أنا ليه باقف في المترو عشانهم بقى؟؟ أيوة اوعى تمشى استنى..دى مشكلة كبيرة مش صغيرة..يعنى أنا لما اركب المترو كام مرة في اليوم وكل مرة اكتشف انى لازم اقف عشانهم تبقى مشكلة أدخل المترو في أمان الله واقعد بعد جهد جهيد وانا شايف واحدة موظفة مع صاحبتها راجعين من الشغل وصحتهم زى الفل.. وقاعدة تحكى لها ازاى تعمل محشى الكوسة وقاعدة تقور في الهوا يمين وشمال عشان يبقى الشرح عملى وصوتها عالى.. واول ما تدخل المترو تلاقى الشلل الرعاش حلّ عليها.. وعينيها مش قادرة تفتح من الإرهاق وتيجى هيه وصاحبتها قدامى بالظبط وتعلـّى صوتها وتقول لصاحبتها:معدتش باقدر أقف كتير يا سنية.. ترد عليها زميلتها واللبانة ف بقها: ومين سمعك يا حبيبتى..الدكتور قال لى انى لو وقفت على رجلى خمس دقايق هارجًّع ع اللى قدامى علطولوللا البنت اللى لسة شباب.. تبقى قاعد لا بيك ولا عليك وتلقى المحروسة داخلة المترو .. بنت حلوة وشعرها ع الخدود يهفهف ويرجع يطير.. وتيجى تقف قدامك.. وفجأة تفضل تظبط شعرها وترميه ورا ضهرها زى إعلان صابون كامى عطر فرنسى الإيحاء..ومتوقعة ان الزبون اللى هوه انا هاقوم ابوس ايديها انها تقعد مكانى.. والله لو خلعتى شعرك كله واديتهولى على سبيل المقايضة زى قدماء المصريين..برضه مش واقفوبعدين الأول كانت عربيات السيدات في المترو قدام ومع ذلك كانوا منتشرين في كل العربيات وقلنا ماشى..بعد ماحصلت حادثة مترو حلوان البسيطة اول المترو.. قالوا لا .. هاتوا السيدات في نص المترو..ليه بقى؟؟ ده باعتبار ان لو حادثة حصلت في أول المترو والسيدات قدام هيصوتوا ويلموا الدنيا.. انما الرجالة بتموت من سكات!!!صلاة النبى

طب حد مننا اعترض ان السيدات ماليين مترو الرجالة.. أبدا..انما شوف بقى ياعم الحاج لو حظك الأغبر وقعك انك ركبت سهوا في عربية السيدات..ياداهية دقى..تسمع بقى أحلى كلام.. أولالا..سوفاااج..سوهاج..راجل؟؟..واللى تحط وشها في الأرض من الكسوف..واللى تقول أوووه.. راجل..فانتساتيك..صلاة النبى.. انتى عمرك ماشفتى راجل ياضنايا؟؟؟

مش برضه انتى جاية من شغلك وهوه هناك وراجعة بيتك هتلاقى واحد من نفس الفيرجن في وشك زى القضا المستعجل والبنت اللى في الجامعة آه لو شافت راجل في المترو.. هيغمى عليها من الخضة.. ماانتى لسة جاية من الجامعة وكنتى انتى والولاد قاعدين تلعبوا صلح وعسكر وحرامية.. عمرك ماشفتى راجل يا شابة؟؟؟

أيوة مادام فيه مساواة تبقى ف كل حاجة.. زى ماانا باشتغل وهيه بتشتغل.. يبقى اللى يلحق الكرسى يقعد باعتبار انها إبراهيم ابن خالتى يعنى عادى..ومادام فيه مساواة ولازم نتعامل مع عقل البنت.. يبقى بلاش تلعب لى ف شعرها وتورينى دايما انها بتحط هيد أندشولدرز ضد القشرة عشان اقوم..لأنها زى ما بتحط هيد أندشولدرز أنا باحط برضه هيد أنشولدرز ومن الحجم الكبير كمان أبو عشرين جنيه..المشكلة دى يحس بيها اللى بيركب المترو يوميا زيى.نفسى أحس انى جاى بدرى ولحقت كرسى بعرق جبينى وقاعد أصلى ركعتين شكر على الكرسى اللى فلت من بين يدى القوات الأنثوية الغاشمةاوعى حد يفتكر انى مش باقوم عشان حد يقعد..بس اقوم عشان حد يستاهل.. يعنى ست كبيرة مريضة.. راجل عجوز تعبان.. ست شايلة تسع عيال على ايديها..كده يعنى.. حالات تستاهل.. انما واحدة عندها تلاتين اربعين سنة وقاعدة عاملالى فيها حسين رياض لما اتخرس في رد قلبى.. أقف ليها ليه؟؟وكمان شوف الموقف ده.. اقف أنا عشان واحدة ست تقعد..واقف جنبها..وأول ما تيجى تنزل محطتها تشاور لاقرب بنت أو ست عشان تقعد مكانها!! صلاة النبى..حتى الكرسى بيتورث يا جدعان؟؟ خيال مآتة واقف جنب الكرسى أنا؟؟؟دانا واقف عشانك..طب خليها بجميلة حتى..وموقف ورا موقف تكتشف في لحظة ان كل الستات والبنات قاعدين..وكل الرجالة ماسكين جرايد وقاعدين يهووا عليهم: ألف ليلة وليلة.. قصة كل ليلة..احكى ياشهرزاد.. احكى لشهرياروللا البنت اللى تيجى تقعد جنبك ومش طايقة نفسها قال إيه المكان ضيق ومش قادرة تقعد مرتاحة..طب ما دام انتى متضايقة كده ماتقومى تقفى بلاش القعدة المقرفة دى.. وللا يعنى عشان كل مرة واحد محترم شباب هوه اللى يقف عشان المكان يوسع للهانم.. أم طاقية.. طاقية حمرا.. للهانم البيضا.. والهانم السمراالقاعدة
الله يخرب بيت هالة وإيناس وسحر وعبير وإقبال وكل اللى عقدونا ف عيشتنا بكلامهم اللى لا دين ولا منطق بيأيده..بيطالبوا بحقوق المرأة اللى على كيفهم.. مع ان ديننا جعل المرأة جوهرة يتحافظ عليها وتتعامل أحسن معاملة مش سلعة وموضوع في كل برنامج شوية.لو كنت قاعد على كرسى في المترو.. دايما حاول انك تربط رباط جزمتك وانت قاعد لمدة العشرين محطة اللى انت راكبهم وماتبصش لأى حد واقف عشان قلبك المعفن الطيب خد معاك وانت راكب المترو..علبتين هيد أنشولدرز عشان أى بنت جاية تتدلع بشعرها عشان تقعد تعرفها ان اللى معاه شامبو أكتر هوه اللى هيقعدخد معاك مطوة عشان لو قلبك الطيب خلاك تقعَّد واحدة منك وبعدين وهيه نازلة شاورت لواحدة تانية تقعد مكانها وطنشتك.. تغزها بالمطوة غزتين عشان تفوق إن وأخواتها تنصب اسمها وترفع خبرها!!